[傳銷口才賞析] Bid出彩虹茶會演講

近日滕近輝牧師個仔滕潞嘉見報，但不是好新聞，話說佢搞咗間網上拍賣公司，疑似以層壓式手法加龐氏格局，令幾萬會員以為投資包賺，但後來演變成攞唔到貨，退錢又難過cut有線，所以有多名會員報警，被警察上門拉人。詳情可以睇網上報導，有大把。

剛才喺網上睇咗條片，係必出彩虹茶會的演講，呢個係傳銷，唔係傳福音，但有借鏡參考價值。我覺得講嘢條友講嘢幾好口才，口舌清晰，不時講一兩句爛gag，氹到尐師奶嘻嘻哈哈笑到天花亂墜，不斷談及「盼望」，大計很值得「相信」，再加上鼓勵會員將這個穩賺「福音」傳遍地極，同時用埋手勢，教導成員「會內一家」，大家都是弟兄姊妹 sosad，氣氛又確係相當溫馨動人，真係信望愛俾佢講齊。另外，youtube下面有個comment好搞笑，有條友話自己係咩咩代表，叫人delete條片，而家食住花生等睇佢被人拉 sosad。